Candidatura: participate à a 14ª edizione di Liet International, u cuncorsu di canti in lingue minuritarie in Bastia, in Corsica!

You can read an English version here, a Danish version here and a French version here.

U vènneri u 22 di nuvembre 2024, accuglierà Bastia a 14a edizione di u Liet International, un cuncorsu aurupeu di canzone in lingue minuritarie apertu à canterini è gruppi chì si sprìmenu inde una lingua regiunale o minuritaria aurupea. Dopu trèdeci edizione in Frise (Paesi Bassi), (Pays-Bas), Sápmi (Suède), Bretagne/Breizh (France), Udin/Udine (Italie), Xixón/Gijón (Espagn, Oldenburg (nord de l’Allemagne), Guovdageaidnu/Kautokeino (Norvège), Ljouwert/Leeuwarden (Frise, Pays-Bas) et Tønder/Tondern (Danemark), u Liet International venerà in Corsica per a prima volta.

A Cità di Bastia si ralegra d’accoglie l’edizione 2024 di u Liet International in partenariatu cù a Cullettività di Corsica (CDC – Culletività di Corsica) è France 3 Corse ViaStella, in càrica di l’arrigistrera è di a diffusione in diretta di u spetàculu à u Centru Culturale Alb’Oru. Per a Cità di Bastia, ci paria naturale d’accoglie un avvenimentu sìmule, di pettu à u so impegnu inde u mantenimentu, a difesa è a diffusione di a lingua corsa à traversu a so pulìtica culturale è tutti l’aspetti di a vita suciale. Di dicembre 2022, a municipalità hà inauguratu a « Casa di e lingue » un spaziu dedicatu à l’amparera è a pràtica di parechje lingue, a prima franta in Corsica.

In u 2024, 13 artisti seranu invitati in Corsica per prudùcesi u vènneri u 22 di nuvembre in Bastia nantu à a scena di u Centru Culturale Alb’oru. L’urganizazione chjama i gruppi, canterini è entità culturale di tutta l’Auropa per prupone creazione nove in lingua regiunale o minuritarie per a 14a edizione di u nostru cuncorsu. I gruppi o artisti sò invitati à mandà canzone cumposte di pocu inde una lingua regiunale o minuriatria d’Auropa sinu à u 1u di lugliu 2024, per una scelta finale di canzone annunziata da quì à a fine di lugliu 2024. I cuncorsi passati, anu permessu di fà sente cumpusizione in tante lingue minurate: l’arbëresh, l’asturianu, u bascu, u brittone, u catalanu, u cornicu, u corsu, le féroïen, u frisone, u friulanu, le gaèlicu, u galizianu, u carelianu, u bassu alemanu, u manese, u meänkieli, u mordve, u frisone settentriunale, l’uccitanu, u romani, u same, u sorabe, l’oudmourte, u vepsien, u vote è u gallese. Hè Doria Ousset è u so gruppu ch’anu vintu l’ùltima edizione in Tønder/ Tondern (Danemark). U premiu di u pùblicu hè statu chjappu da u sardu Emanuele Pintus.

Melissa Pander, a vincidore di u cuncorsu di cantu frisone Liet 2023 è a candidata chì rapresenta a minurità alemana di u Danemark, seranu scelte per participà à u Liet International 2024. Di listessa manera, un candidatu corsu serà sceltu è l’artisti corsi seranu invitati à candidatà inde u quatru di una chjama à candidatura. D’altre piazze sò aperte per ogni lingua minuritaria d’Auropa. U prucessu di scelta serà fattu da una ghjuria stretta è indipendente. I criterii di qualìfica di u cumitatu sò quessi: qualità è caràtteru ùnicu di a canzona è di a mùsica, diversità linguìstica, geogràfica è musicale, sessu è età. E parolle è a mùsica dèvenu esse nove cumposte è scritte di pocu. I canterini/gruppu scelti seranu chjamati à participà à u cuncorsu. Liet International incuragisce I participanti à circà un aiutu finanziariu per e spese di viaghju pressu à u paese ch’elli rapresèntanu o à circà d’altre pussibilità di finanzamentu. L’urganizazione s’occuperà Di l’alloghju è di i ripasti. A ghjuria serà cumposta da una selezzione di sperti in mùsica è in lingue regiunale è/o minuritarie.

U spetàculu serà spartutu in diretta à a televisione è/o nantu à Internet è serà ancu arrigistratu. U cuncorsu Liet international hè diventatu un avvenimentu tamantu di prumuzione di e lingue minuritarie chì alletta u sguardu mediàticu.

Per scìvesi à u Liet International 2024, pudete riempie u furmulariu nantu à u nostru situ Web (https://liet- international.com/). Vi preghemu di leghje u regulamentu. A data lìmita di depòsitu di a vostra candidatura hè u 1u di lugliu 2024. Seranu cunsiderati i cartulari cumpiiti da a ghjuria di a selezzione. Per ogni dumanda, vi preghemu di scriveci a lietinternational@gmail.com.

Candidatura: participate à a 14ª edizione di Liet International, u cuncorsu di canti in lingue minuritarie in Bastia, in Corsica!

2 kommentarer om “Candidatura: participate à a 14ª edizione di Liet International, u cuncorsu di canti in lingue minuritarie in Bastia, in Corsica!”

Legg igjen en kommentar Avbryt svar